Өкіну нысаны
Өкіну нысаны

Өкіну нысаны

Тәубеге келетін католик бұл дұғаны әдетте Тәубе Құпияшылдығының кезінде айтылады:

Уа, Құдайым,
мен жасаған күнәларым үшін
шын жүректен өкінемін.
Мен жамандықты қалап,
жақсылықтан бас тарттым,
Саған қарсы күнә жасадым;
Сені барлығынан артық сүюім керек.
Мен Сенің көмегіңнің арқасында
өкінуге ниеттенемін.
Мен ешқашан күнә жасауды және
күнәларға жеткізетінге жоламауды ұйғардым.
Құтқарушымыз Иса Мәсіх
азап шегіп, біз үшін өлді.
Уа, Құдайым,
Ол үшін маған рақым ете гөр.
Аумин.

Ұждан сынауыдан өкіну формулалары: 

I
Мен / Құдіретті Құдайдың алдында да * және бауырларымның алдында да * ойыммен, сөзіммен, ісіммен * және жақсылықты істемеуіммен * көп күнә жасағанымды мойындаймын. * Менің кінәм, * менің кінәм, * менің ұлы кінәм. * Сондықтан Баталы Мәриям Мәңгібикешті, * барлық періштелер мен әулиелерді, * сондай-ақ сендерді, бауырларым, * Құдай Тәңірімізге мен үшін дұға қылуын өтінемін.
℣: Құдіретті Құдай бізге рақым етсін * және күнәларымызды кешіріп, * бізге мәңгілік өмір сыйласын. ℟: Аумин.
II
℣: Бізге рақым ете гөр, уа, Тәңір.
℟: Өйткені біз Сенің алдында күнә жасадық.
℣: Бізге мейіріміңді төге гөр, уа, Тәңір.
℟: Және құтқаруыңды бере гөр.
℣: Құдіретті Құдай бізге рақым етсін * және күнәларымызды кешіріп, * бізге мәңгілік өмір сыйласын. ℟: Аумин.
III
℣: Шын жүректен өкінетіндерді айықтыруға Жолдаған: Тәңір, рақым ете гөр.
℟: Тәңір, рақым ете гөр.
℣: Күнәкарларды шақыруға Келген: Мәсіх, рақым ете гөр.
℟: Мәсіх, рақым ете гөр.
℣: Әкенің оң жағында отырып, біз үшін Өтінетін: Тәңір, рақым ете гөр.
℟: Тәңір, рақым ете гөр.
℣: Құдіретті Құдай бізге рақым етсін * және күнәларымызды кешіріп, * бізге мәңгілік өмір сыйласын. ℟: Аумин.