Адвент және Мәсіх Мәуліті әнұрандары (кәленділер)
Адвент және Мәсіх Мәуліті әнұрандары (кәленділер)

Адвент және Мәсіх Мәуліті әнұрандары (кәленділер)

АДВЕНТ (КЕЛІС)

1. АДВЕНТ КЕЛЕДІ (АДВЕНТ НАСТУПАЕТ)

1.Адвент келеді – қуаныш жақын,
Алғашқы майшам жағылды,
Пайғамбар хабарлайды адамдарға:
«Дайындаңдар жолды Құдайға!»
R: Құдайға бәрі ән айтыңдар,
Қуаныңдар, адамдар!

2. Адвент келеді – қуаныш жақын,
Екінші майшам жылтырайды.
Кешіріндер – бұл ардақты қасиет,
Тәңір Иемізден өсиет.
R: …

3. Адвент келеді – қуаныш жақын,
Үшінші майшам жарық береді.
Мейіріммен бәрі де толсын,
Жер бетіміз жаңаласын.
R: …

4. Адвент келеді – қуаныш жақын,
Төртінші майшам жарқырайды.
Құдай келеді, кешіктірмейді,
О, адам, қабыл ал Оны!
R: …

2. КЕЛ, КЕЛ БІЗГЕ, ИМАНУИЛ
(VENI VENI EMMANUEL)

1. Кел, кел бізге, Имануил,
Ақысын төлеп тұтқынның,
Жоқтаушысы бол құғынның,
Құдайдың Ұлы келгенше.
Қуан, қуан, уа, Исраил!
Келер саған Имануил.

2. Кел, бұтағы Есейдің, Сен
Босатқан шайтан торынан,
Тозақтан құтқарып елді,
Өлімнен жеңіс әперген.
Қуан, қуан, уа, Исраил!
Келер саған Имануил.

3. Кел, кәктем күніндей, кел Сен,
Кәңілімізді шат кәтер,
Қуала тәнген бұлттарды,
Ұшыр әлем кәлеңкесін.
Қуан, қуан, уа, Исраил!
Келер саған Имануил.

4. Кел, Сен Дәуіттің Кілтісің,
Кел де, кең аш Аспан үйін.
Сақта биік самғар жолды,
Қасіреттің жолын жауып,
Қуан, қуан, уа, Исраил!
Келер саған Имануил.

5. Келші, Сен, Әлем Иесі,
Синайдағы тайпаларға,
Заң әкелген ерте кезден,
Бұлттардан ұлы қаһарлы.
Қуан, қуан, уа, Исраил!
Келер саған Имануил.

3. О, КӨКТЕГІ ШЫҚ (О, РОСА С НЕБЕС)

1. О, көктегі шық, о құтқарылым:
Тәңір, кешіре гөр. (2 рет)

2. Нұрды шашасың, әлемді жұбатасың:
Мәсіх, кешіре гөр. (2 рет)

3. Бізге көктен кел, Иса Құдай Ұлы:
Тәңір, кешіре гөр. (2 рет)

МӘСІХ МӘУЛІТІ

(РОЖДЕСТВО ХРИСТОВО / CHRISTMAS)

4.1. ТЫНЫШ ТҮН (Stille Nacht)

1. Тыныш түн, киелі түн,
Бәрі тынық да нұрлы,
Үңгірде майшам жылтырайды;
Әулие Жұбы қалғымайды,
Бесікте жатыр Сәби,
Бесікте жатыр Сәби.

2. Тыныш түн, киелі түн,
Бүкіл жер шырайланды.
Періште көктен ұшады;
Бақташыларға айтады:
«Мәсіх сендерге туылды,
Мәсіх сендерге туылды!»

3. Тыныш түн, киелі түн,
Көктен жұлдыз жарқырайды;
Бақташылар жолға шықты,
Бетлехемге олар келеді:
Онда Мәсіхті көреді,
Онда Мәсіхті көреді.

4. Тыныш түн, киелі түн,
Бақытты бәрі күтеді,
Мәсіхке бәріміз келейік,
Қуанышымызды табайық.
Мәңгі мадақ Құдайға,
Мәңгі мадақ Құдайға!

әлде:

4.2. ЖЫМ-ЖЫРТ ТҮН (STILE NACHT)

1. Жым-жырт түн, ғажап түн,
Бәрі де ұйқыда.
Ояу тек жұбайлар тебіреген,
Сүйкімді Сәбиге еміренген,
Қуанышқа кенелген,
Қуанышқа кенелген.

2. Жым-жырт түн, ғажап түн,
Қорқытып барлығын:
Жар салды ғажайып үн аспаннан,
Құтқарушымыз Мәсіх туды деп.
Көктен түсті бір жарық,
Көктен түсті бір жарық.

3. Жым-жырт түн, ғажап түн,
Жарық нұр шашып тұр.
Күлімдеген киелі әр жүзден
Біздің сол Тәңірді мадақтаңдар,
Құтқарушымыз ғой – Ол,
Құтқарушымыз ғой – Ол.

5.1. КЕЛІҢДЕР, БАРЛЫҒЫҢ (Adeste Fideles)

 

1. Келіңдер, барлығың,
Шаттанып Тәңірге,
Келіңдер, келіңдер Бетлехемге,
Періштелермен
«Хосанна» жырлаймыз.
Қайырмасы:
Кел, сиынайық Оған,
Кел, сиынайық Оған,
Кел, сиынайық Оған – Тәңірге!

3. «Мәсіх туылды!», –
Періште хабарлады.
Мәсіх адам болып бізге туылған,
Оның бесігіне
Асығып барамыз.
Қайырмасы…

4. Киелі Құдайдың
Даңқты жайнауы
Момын Сәбиде жасырылған.
Құдай-Сәбиді
Мәңгі мадақтаймыз.
Қайырмасы…

5. Біз барлық үшін
Аса Қиналғанды
Құрметпен қарсы аламыз,
Мейірімізбен
Оны әлпештейміз.
Қайырмасы…

әлде:

5.2. КЕЛІҢДЕР, БАРЛЫҒЫН
(ADESTE FIDELES)

1. Келіңдер, барлығын,
салтанатты тойға,
Келіңдер, келіңдер Бетлехемге.
Кел де көр Оны,
Патшамыз ғой туған.
Қайырмасы:
Кел, сиынайық Оған,
Кел, сиынайық Оған,
Кел, сиынайық Оған, Исаға.

2. Ең Биік, Киелі,
Жарықтың Жарығы,
Әкенің Ұлы, адам боп туған.
Анасынан Ол
Ажалды боп туды.
Қайырмасы…

3. Сен періштелермен
Шаттанып ән салшы.
Аспан тұрғындары, ән салыңдар.
Даңқты бол, Құдай,
Аспан әлемінде.
Қайырмасы…

4. Қош келдің, Иеміз,
Бүгін таңда туған,
Салтанатпен біз қарсы аламыз.
Әкенің Сөзі
Адам боп туды ғой.
Қайырмасы…

6. ТЫНЫШ ТҮНДЕ
(WŚRÓD NOCNEJ CISZY)

1. Тыныш түнде Періште хабарлады:
«Қуаныңдар бәрің – Мәсіх туылды!»
Бақташылар, асығыңдар,
Бетлехемге тез жүріңдер, –
Сәбиге мадақ!

2. Кім көрсетеді Мәсіх қай жерде?
Тура жолдар қалаға апарады,
Бесікте Сәби мүлгейді,
Мәриям Оны әлпештейді,
Бақташылар мұнда.

3. Мұнар болғанда, қараңғы түнде
Жарық әкелдің Сен осы жерге,
Ұзақ уақыт пайғамбарлар
Оны күтті Шығыс жақтан,
Момын нәресте!

4. Таң атқанда кілесеге барамыз,
Жарқын үмітте дұга етеміз:
Әр күнде ақ нан түрінде
Тәңір бізге мол түседі,
Мәңгілік Патша.

7. НҰР КЕЛДІ БІЗГЕ
(СВЕТ, ЯВИВШИЙСЯ)

1. Нұр келді бізге Нәрестеде:
Тәңір, кешіре гөр. (2 рет)

2. Көк пен жұмыр жер Сәбиге сыйынады:
Мәсіх, кешіре гөр. (2 рет)

3. Даңқтың жайнауы, мәңгілік Патша:
Тәңір, кешіре гөр. (2 рет)

8. КИЕЛІ ТҮН (O Holy Night)

1.Киелі түн! Жұлдыздар жарқырады –
Иса Мәсіхтің бұл туған түні.
Күнәларға әлеміз батып барды,
Бірақ Тәңір әлемізді құтқарды.
Үміт жүрегімізді толтырады,
Жаңа өмір алдымыздан шықты.

Тағзым етіп, тыңда періштелерді!
Мәсіх туған, туған осы түнде!
Туған! Туған! Мәсіх бізге туған!

2.Аспан нұры қайғыны тарқатады,
Ақыр айналасында біз жиналдық.
Ғұламалар нұрлы жұлдызға еріп,
Шығыстан Бетлехемге келеді.
Патшалардың Патша ақырға салған,
Ол құтқаруымыз үшін туған.

Өмір сүріп, азапты түсінеді:
Міне – Патшаң сенің! Сенің Патшаң!
Міне! Міне – Патшаң! Сенің Патшаң!

3.Сүй’спеншілік заңын Ол бізге берді,
Ізгі Хабар – Оның бейбіттігі.
Тұтқындарды күнәдан босатады;
Оның есім күш-қуат береді.
Әуендетіп Тәңірге ән салайық,
Оның есім мәңгі мадақталсын.

Мәсіх – Тәңір! Оған тізе бүгейік.
Иса Мәсіх мәңгі мадақталсын!
Иса Мәсіх мәңгі мадақталсын!

9. ДӘУІТ ПАТША ҚАЛАСЫНДА (Once In Royal David’s City)

1. Дәуіт Патша қаласында
Тұрды бір мал қорасы.
Анасы Баласын салды,
Төсек етіп астауды.
Ол Ана – Мәриям еді,
Иса Мәсіх – Баласы.

2. Ол аспаннан келген еді,
Өзі Құдай, Тәңір де.
Пана болып мал қора да,
Бесік болды мал орны.
Кедей болып жәй ғана,
Өмір сүрді ғой Иса.

3. Ғажайып балалық шақта,
Игілікпен бағынды.
Аялап баққан Әйелді,
Сүйінішпен қарады.
Құдайдың бар баласы
Жақсы болсын дәл сондай.

4. Балалық шағы Оның да
Біздей өтті күнбе-күн.
Әлсіз, дәрменсіз бұл бөбек
Бірде жылап, бір күліп,
Қайғырсақ Ол да ренжіп,
Қуансақ Ол қуанды.

5. Оның таза махаббатын
Көзімізбен кӛреміз.
Аспандағы Иеміз де,
Сол Балаға мейірбан.
Өзі тұрған жерлерге
Балаларын жетелер.

6. Енді Ол қорада емес,
Өгіз тұрған қасында.
Кӛреміз Оны Аспанда
Құдайдың оң жағында.
Балалары тәж киіп,
Бәрі жүрер қасында.

 10. ПЕРІШТЕНІ ТЫҢДАҢДАР
(HARK THE HERALD ANGELS SING)

1. Періштені тыңдаңдар:
«Туды әлем Патшасы!»
Бейбіт өмірді сыйлап,
Күнәліні кешірді.
Періштемен бірге біз
Бетлехемге шырқаймыз.
Мәсіх Патша туды деп
Әлемге жар саламыз.
Періштені тыңдаңдар:
«Туды әлем Патшасы!»

2. Мәсіхті мадақтаймыз,
Құдай мәңгі – Патшамыз.
Мөлдір, Таза Қыз-Ана
Әкелді ғой өмірге.
Жердегі күн көрісте
Адамдар арасында
Ол жүрді ғой құл болып,
Ол – Иса Имануил.
Періштені тыңдаңдар:
«Туды әлем Патшасы!»

3. Патшасы бұл әлемнің,
Сенсің Жарық Күн, Шындық.
Даңқ, атақты Сен тастап,
Аспаннан келіп жерге,
Қайта тудың біз үшін.
Жеңдің өлім билігін
Беру үшін өмірді,
Жердегі бар пендеңе.
Періштені тыңдаңдар:
«Туды әлем Патшасы!»

11. БЕСІК ЖОҚ БҰЛ ЖЕРДЕ
(AWAY IN A MANGER)

1. Бесік жоқ бұл жерде астаудан басқа,
Ием Иса ұйықтап жатыр онда,
Аспан жұлдыздары да таң қалуда,
Сабан төсеп жатқан – Ием Исаға.

2. Мал маңырап, Нәрестені оятты,
Бірақ жас Иеміз еш жыламапты,
Иеміз Иса, Сен қарашы маған,
Тұршы төсегімнің қасында менің.

3. Ием Иса, болшы менің қасымда,
Дұға етем Саған, тастама мені,
Батаңды бере гөр бар адамдарға,
Болайықшы мәңгі менімен бірге.

12. ҚУАН, ӘЛЕМ
(JOY TO THE WORLD)

1. Қуан, әлем, Тәңір келмек,
Жер шаттан, қарсы ал,
Ол – Патшасы патшалардың,
Мадақта сен, ән сал,
Мадақта сен, ән сал,
Мадақта, мадақта сен, ән сал.

2. Қуан, әлем, Мәсіх келді,
Қауымдар тойлауда,
Дала, бақша, орман, төбе –
Қуанды олар да,
Қуанды олар да,
Қуанды, қуанды олар да.

3. Күнә, қасірет болмасын,
Тікенек жаппасын,
Қарғыс оты жайлағанда
Шапағат Ол берсін,
Шапағат Ол берсін,
Шапағат, шапағат Ол берсін.

4. Бейбіт өмірдің рақатын,
Сүйіспеншілігін,
Ұлылығын, әділдігін
Сыйлайды ғой бізге,
Сыйлайды ғой бізге,
Сыйлайды, сыйлайды ғой бізге.

13. ПЕРІШТЕНІ ЕСТІДІК
(ANGELS WE HAVE HEARD ON HIGH)

1. Періштені естідік
Көкте ән салып тұрған,
Таулар олармен бірге
Қуанышпен үн қосқан:
«Аспанда Құдай мадақталсын!
Аспанда Құдай мадақталсын!»

2. Қойшылар-ау, бұл не той?
Қай жаңалық сендерге
Ойын-сауық орнатқан,
Шабыт беріп қуантқан?
Аспанда Құдай мадақталсын!
Аспанда Құдай мадақталсын!

3. Бетлехемге кел, Оны
Көр, періште әндеткен,
Келші Тәңір Мәсіхке,
Жаңа туған Патшаға.
Аспанда Құдай мадақталсын!
Аспанда Құдай мадақталсын!

14. ТӘҢІР ТУҒАН
(БОГ РОДИЛСЯ)

Тәңір туған, Тәңір туған –
Патшамыз Иса Мәсіх.
Келейік, тағзым етейік.
Келейік, тағзым етейік,
Сәбиді мадақтайық.

15. СОЛ ҒАЖАП КИЕЛІ ТҮН
(ЭТА НОЧЬ СВЯТАЯ)

1. Сол ғажап киелі түн
Құтқарыс бізге беріп,
Мәсіхтің туып келгенін
Әлемге жариялады.
Мәсіхтің туып келгенін
Әлемге жариялады.

2. Сол түні бақташылар
Ұйыққан жоқ жайлауда,
Жарқын Періште оларға
Аспаннан ұшып келді де.
Жарқын Періште оларға
Аспаннан ұшып келді де.

3. Ғаламатты көргенде
Қойшылар қорқып кетті.
Періште мынаны айтты:
«Қорықпаңдар, Тәңір туған!»
Періште мынаны айтты:
«Қорықпаңдар, Тәңір туған!»

4. Құдай енді әлемге
Біз үшін туып келді.
Сәбинің алдына келіп,
Бойсұнып тағзым етейік.
Сәбинің алдына келіп,
Бойсұнып тағзым етейік.

5. Көк-аспан биігінен
Кенет ән шыққан еді:
«Құдайға аспанда – мадақ!
Амандық – бар адамдарға!
Құдайға аспанда – мадақ!
Амандық – бар адамдарға!»