НЕГІЗГІ ДҰҒАЛАР

НЕГІЗГІ ДҰҒАЛАР

  1. Айқыш белгісі (In nomine Patris)

Біз айқыш белгісін жасағанымызда Киелі Үштік пен айқышқа шегеленген Иса Мәсіх беретін адамзаттың құтқаруына сенеміз. Бұл жағдайда католиктер ішінара индулгенсті иемденеді.

+ Әке, Ұл және Киелі Рухтың атына. Аумин.

  1. Тәңірдің дұғасы (Pater noster)

Иса Мәсіх осы дұға арқылы Өз шәкірттерін Құдай Әкеге дұға етуге үйретті.

Аспандағы Әкеміз,

Сенің атың қасиеттелсін,

Патшалығың келсін;

Сенің еркің аспандағыдай

жер бетінде де орындалсын.

Қажетті нанымызды бүгінге бере гөр;

бізге қарыз болғандарды кешіргеніміздей,

біздің қарызымызды да кешіре гөр;

азғырылуымызға жол бермей,

бізді жамандықтан сақтай гөр.

Аумин.

  1. Періштенің сәлемдесуі (Ave Maria)

Әу. Жәбірейіл Басперіште Киелі Мәриям Бикешті сәлемдесіп, Оған Құдай Ұлының Анасы болатынын жариялайды.

Сәлемет бол, Мәриям, берекеге толы, Тәңір Сенімен бірге;

әйелдердің арасында баталысың

және құрсағыңның ұрығы Иса да баталы.

Әулие Мәриям, Құдай Анасы,

біз күнәкарлар үшін

қазір де және ажалымызда да дұға ете гөр.

Аумин.

  1. Киелі Үштік Дәріптелуі (Gloria Patri)

Осы ежелгі мадақтау арқылы Үшбірлікті Құдайды мадақтаймыз. Ол – бізді жаратқан Әке, бізді құтқарған Ұл және бізге әулиелік беретін Киелі Рух – үш Тұлғанда бір Құдай.

Әке, Ұл және Киелі Рух басында болғандай, *

қазір де, әрқашан да және мәңгі де дәріптелсін. Аумин.

  1. Елшілік Сенім Нышаны (Symbolum Apostolorum)

Елшілер арқылы уағыздалған осы «Сенім Нышаны» (“Credo”) Иса Мәсіхтің ілімі туралы айтылады. Сенім танылуы ең алдымен кілеседе – сенушілер жамағатының көзінше – орындалады. Сонда адам осы сенім туралы бүкіл әлемге өмір бойы куәландырады.

Мен Құдайға, * Құдіретті Әкеге, * аспан мен жердің Жаратушысына сенемін, * және Оның жалғыз Ұлы * Тәңіріміз Иса Мәсіхке сенемін: * Ол Киелі Рухтан ұрықталған, * Мәриям Бикеш арқылы туылған, * Понти Пилат тұсында азап шекті, * Ол Айқышқа шегеленді, * өлді және көмілді; * тозаққа түсті; * үшінші күні Ол өлімнен қайта тірілді; * аспанға көтерілді * және Құдіретті Құдай Әкенің оң жағында отыр: * ол жақтан Ол тірілер мен өлілерді соттауға келеді. * Мен Киелі Рухқа, * Киелі Католик Кілесесіне, * әулиелердің қатысуына, * күнәлардың кешірілуіне, * тәннің тірілуіне * және мәңгілік өмірге де сенемін. * Аумин.

  1. ІзнікҚостантиниялық Сенім Нышаны (Symbolum Nicæno-Constantinopolitanum)

Кілесе Аталары осы «Сенім Нышанын» (“Credo”) I. мен II. Жаһандық Кеңестерінде енгізді. Киелі Месса кезінде (жексенбі не мейрам күндерінде) оқытылады. Бұл жағдайда католиктер ішінара индулгенсті иемденеді.

Мен бір Құдайға, * Құдіретті Әкеге, * аспан мен жердің, * көзге көрінетін және көрінбейтіннің Жаратушысына * сенемін. * Және жалғыз Тәңір Иса Мәсіхке сенемін, * Ол бар ғасырлар бұрын Әкеден туылған Құдайдың жалғыз Ұлы: * Құдайдан Құдай, * Жарықтан Жарық, * шынайы Құдайдан шынайы Құдай, * Ол туылған, жаратылмаған, Ол Әкемен бірболмысты, * барлығы Ол арқылы жаратылды. * Ол біз, адамдар үшін, және біздің құтқаруымыз үшін аспаннан түсті. * Және Киелі Рух пен Мәриям Бикештен ұрықталып, * Адам болып келді, * Ол Понти Пилат тұсында біз үшін Айқышқа шегеленді, * азап шекті де көмілді, * Жазбалар бойынша, үшінші күні өлімнен қайта тірілді, * аспанға көтерілді және Әкенің оң жағында отыр, * Ол тірілер мен өлілерді соттауға даңқта қайта келе жатыр, * және Оның Патшалығының шегі болмайды. * Және  Киелі Рухқа, * Тәңір мен Рухтандырушыға сенемін, * Ол Әке мен Ұлынан келіп тұр, * Әке мен Ұлмен бірге Оған табыну  мен мадақ лайық, *  Ол пайғамбарлар арқылы хабарлады. * Және біртұтас  Киелі Католик пен Елшілік Кілесесіне сенемін. * Күнәлардың кешірілуіне бір рет ғана өтетін шомылдыру рәсімін танимын. * Өлгендердің тірілуін және болашақ өмірін күтудемін. * Аумин.