Мәриямның жыры (Magnificat)

MӘРИЯМ БИКЕШТІҢ ЖЫРЫ – Лұқ 1:46-55
(MAGNIFICAT)

 

Жан дүнием Тәңірімді мадақтайды, *

Құтқарушым Құдайға қуанады:

            Күңінің қарапайым жағдайына *

            Құдай рақыммен назар аударады.

Күллі ұрпақтар мені бұдан былай *

«Құдай жарылқаған жан» деп атайды:

            Есімі киелі Құдіретті Құдай *

            Маған керемет ұлы істер жасайды!

Рақымы Өзін қастерлеушілердің *

Ұрпағынан ұрпағына жалғасады;

            Ол қолының құдіретін танытып, *

            Асқақ ниеттілерді шашыратады,

Билік иелерін тақтан құлатып, *

Атақсыздарды жоғарылатады.

            Ашыққандарды игілікке кенелтіп, *

            Байларды құр қол қайтарып қуады.

Тәңір өз қайырымын ескеріп, *

Қызметшісі Исраилді қамқорлайды:

            Ежелгі ата-бабаларымызға,

            Ыбырайым мен оның ұрпақтарына, *

            Құдай осылай айтқан болатын да.

Әке, Ұл *

Және Киелі Рух басында болғандай

            Қазір де, әрқашан да *

            Және мәңгі де дәріптелсін. Аумин.

 

MÁRIAM BIKESHTİŃ JYRY – Luq 1:46-55
(MAGNIFICAT)

 

Jan dúnıem Táńіrіmdі madaqtaıdy, *

Qutqarýshym Qudaıǵa qýanady:

            Kúńіnіń qarapaıym jaǵdaıyna *

            Qudaı raqymmen nazar aýdarady.

Kúllі urpaqtar menі budan bylaı *

“Qudaı jarylqaǵan jan” dep ataıdy:

            Esіmі kıelі Qudіrettі Qudaı *

            Maǵan keremet uly іster jasaıdy!

Raqymy Ózіn qasterleýshіlerdіń *

Urpaǵynan urpaǵyna jalǵasady;

            Ol qolynyń qudіretіn tanytyp, *

            Asqaq nıettіlerdі shashyratady,

Bılіk ıelerіn taqtan qulatyp, *

Ataqsyzdardy joǵarylatady.

            Ashyqqandardy ıgіlіkke keneltіp, *

            Baılardy qur qol qaıtaryp qýady.

Táńіr óz qaıyrymyn eskerіp, *

Qyzmetshіsі Israıldі qamqorlaıdy:

            Ejelgі ata-babalarymyzǵa,

            Ybyraıym men onyń urpaqtaryna, *

            Qudaı osylaı aıtqan bolatyn da.

Áke, Ul *

Jáne Kıelі Rýh basynda bolǵandaı

            Qazіr de, árqashan da *

            Jáne máńgі de dárіptelsіn. Aýmın.