MESSA TÄRTIBI (jamağat üşın)

MESSA TÄRTIBI (jamağat üşın)
  • MESSA TÄRTIBINIŊ QAZAQŞA AUDARMASY ÄLI KÜTILUDE JÄNE KİELI TAQTA ÄLI BEKITILMEGEN.
  • МЕССА ТӘРТІБІНІҢ ҚАЗАҚША АУДАРМАСЫ ӘЛІ КҮТІЛУДЕ ЖӘНЕ КИЕЛІ ТАҚТА ӘЛІ БЕКІТІЛМЕГЕН. 
  • КАЗАХСКИЙ ПЕРЕВОД ЧИНА МЕССЫ НАХОДИТСЯ НА РАССМОТРЕНИИ И ПОКА НЕ УТВЕРЖДЁН СВЯТЫМ ПРЕСТОЛОМ. 
  • THE KAZAKH TRANSLATION OF THE ORDER OF MASS IS PENDING AND HAS NOT YET BEEN APPROVED BY THE HOLY SEE.

* Қазақша (Kırıl Qazaqşa)

* Русский (Orysşa)

* English (Ağylşynşa)

• BASTAPQY JORALAR •

Kırıspe än aitu kezınen qasietker men senuşıler özderıne aiqyş belgısın jasaidy; qasietker, jamağatqa nazar audaryp, aitady:

Q. Äke, Ūl jäne Kielı Ruhtyŋ atyna.

J. Aumin.

Sonan soŋ qasietker qoldaryn jaiyp jamağatty qarsy alady:

Q. Täŋırımız İsa Mäsıhtıŋ raqymy, Qūdaidyŋ süiıspenşılıgı jäne Kielı Ruhtyŋ qatynasuy sendermen bärımen bırge bolsyn.

Nemese:

Q. Qūdai Äkemız jäne Täŋırımız İsa Mäsıhtıŋ raqymy men beibıttıgı sendermen bırge bolsyn.

Nemese:

Q. Täŋır sendermen bırge bolsyn.

J. Ruhyŋmen de bırge bolsyn.

«Täŋır sendermen bırge bolsyn» sälemdesu ornyna biskıp kelesı sözdermen qarsy alady.

B. Senderge beibıttık bolsyn.

J. Ruhyŋmen de bırge bolsyn.

• ÖKINU JORASY •

Jeksenbı künı suğa bata berıledı jäne şomyldyru eske tüsıru üşın bürku jasalady

Qarsy alu kezınen keiın qasietker jamağatty dūğa etuge şaqyrady jäne qysqa tynyştyqtan keiın su därıpteu sözderın aitady da kelesı sözderımen ony aiaqtaidy:

Q. Täŋırımız Mäsıh arqyly.

J. Aumin.

Su men tūz aralastyruğa jergılıktı ädet boiynşa tağaiyndaityn jerde, qasietker suğa bata beru qysqa formulasyn aitady da kelesı sözderımen ony aiaqtaidy:

Q. Täŋırımız Mäsıh arqyly.

J. Aumin.

Sodan keiın qasietker su bürkidı jäne Belgılengen ornyna qaityp, aitady:

Q. Qūdırettı Qūdai bızdı künälarymyzdan tazalyp, osy Euharistianyŋ öteuı arqyly Onyŋ Patşalyq Toiyna qatysuymyzğa laiyqtasyn.

J. Aumin.

Eger suğa bata beru men bürku oryndalmasa, Messağa qysqaşa kırıspeden keiın qasietker senuşılerdı täube etuge şaqyryp, aitady:

Q. Bauyrlarym, Kielı Qūpialar öteuıne qatysuymyz üşın öz künälarymyzdy moiyndaiyq.

Qysqa tynyştyq saqtalady, al sodan soŋ jamağat senım sözderın bırge aitady:

Men Qūdırettı Qūdaidyŋ aldynda da * jäne bauyrlarymnyŋ aldynda da * oiymmen, sözımmen, ısımmen * jäne jaqsylyqty ıstemeuımmen * köp künä jasağanymdy moiyndaimyn.

Öz keudesın soğyp, aitady:

Menıŋ kınäm, * menıŋ kınäm, * menıŋ ūly kınäm.

Sosyn jalğastyrady:

Sondyqtan Bataly Märiam Mäŋgıbikeştı, * barlyq perışteler men äulielerdı * sondai-aq senderdı, bauyrlarym, * Qūdai Täŋırımızge men üşın dūğa qyluyn ötınemın.

Qasietker jıberıletın dūğasyn oqidy:

Q. Qūdırettı Qūdai bızge raqym etsın * jäne künälarymyzdy keşırıp, * bızge mäŋgılık ömır syilasyn.

J. Aumin.

Nemese:

Qasietker senuşılerdı ökınu räsımın ötuge şaqyrady:

Q. Bauyrlarym, Kielı Qūpialar öteuıne qatysu üşın öz künälarymyzdy moiyndaiyq.

Uaqytşa tynyştyq ornalady. Sosyn qasietker aitady:

Q. Bızge raqym ete gör, ua, Täŋır.

J. Öitkenı bız Senıŋ aldynda künä jasadyq.

Q. Bızge meiırımıŋdı töge gör, ua, Täŋır.

J. Jäne qūtqaruyŋdy bere gör.

Qasietker jıberıletın dūğasyn oqidy:

Q. Qūdırettı Qūdai bızge raqym etsın * jäne künälarymyzdy keşırıp, * bızge mäŋgılık ömır syilasyn.

J. Aumin.

Nemese:

Qasietker senuşılerdı ökınu räsımın ötuge şaqyrady:

Q. Bauyrlarym, Kielı Qūpialardy öteuıne qatysu üşın öz künälarymyzdy moiyndaiyq.

Uaqytşa tynyştyq ornalady.

Sosyn qasietker, diakon ne basqa qyzmetşı Täŋır, raqym ete gör dūğasymen kelesı nemese basqa sözderdı aitady:

Q. Şyn jürekten ökınetınderdı aiyqtyruğa Joldağan: Täŋır, raqym ete gör.

J. Täŋır, raqym ete gör.

Q. Künäkarlardy şaqyruğa Kelgen: Mäsıh, raqym ete gör.

J. Mäsıh, raqym ete gör.

Q. Äkenıŋ oŋ jağynda otyryp, bız üşın Ötınetın: Täŋır, raqym ete gör.

J. Täŋır, raqym ete gör.

Qasietker jıberıletın dūğasyn oqidy:

Q. Qūdırettı Qūdai bızge raqym etsın * jäne künälarymyzdy keşırıp, * bızge mäŋgılık ömır syilasyn.

Jamağat jauap beredı:

J. Aumin.

Eger ökınu räsımınıŋ basqa tärtıbınde qoldanylatyn bolmasa, «Täŋır, raqym ete gör» («Kyrie, eleison») ündeu sözder aitylady:

Q. Täŋır, raqym ete gör.

J. Täŋır, raqym ete gör.

Q. Mäsıh, raqym ete gör.

J. Mäsıh, raqym ete gör.

Q. Täŋır, raqym ete gör.

J. Täŋır, raqym ete gör.

Sosyn, belgılı bolsa, änūran jyrlanady nemese aitylady:

Qūdaiğa daŋq biıkte * jäne jerde de ızgı tılek adamdarmen bırge beibıttık bolsyn. * Madaqtaimyz Senı, * därıpteimız Senı, * tabynamyz Sağan, * qolpaştaimyz Senı, * Senıŋ ūly daŋqyŋ üşın Sağan alğys aitamyz, * ua, Täŋır Qūdai, Aspan Patşasy, * ua, Qūdai, Qūdırettı Äke, * ua, Täŋır, jalğyz tuğan Ūly, İsa Mäsıh, * ua, Täŋır Qūdai, Qūdai Qozysy, * älemnıŋ künälaryn alatyn Äkenıŋ Ūly, * bızge raqym ete gör, * älemnıŋ künälaryn alatyn, dūğamyzdy qabyl al, * Äkenıŋ oŋ jağynda otyratyn, bızge raqym ete gör. * Öitkenı Sen ğana kielısıŋ, * Sen ğana – Täŋırsıŋ, * Sen ğana Qūdai Tağalasyŋ, ua, İsa Mäsıh, * Qūdai Äkenıŋ daŋqynda Kielı Ruhpen bırge. * Aumin.

Osy änūran aiaqtalğan soŋ qasietker qusyrylğan qoldarmen aitady:

Q. Dūğa eteiık.

Barlyq qasietkermen bırge bıraz uaqyt tynyştyqta dūğa etedı. Sosyn qasietker qoldar jaiylyp kırıspe dūğasyn oqidy, ol aiaqtalğan soŋ jamağat jauap beredı:

J. Aumin.

• SÖZ LİTURGİASY •

Dauystap oquşy ambonğa baryp, Bırınşı oquyn oqidy. Ony barlyq otyryp tyŋdaidy. Dauystap oquşy aiaqtaluyn bıldıretın sözderdı aitady:

O. Täŋırdıŋ Sözı.

J. Qūdaiğa alğys aitamyz.

Zabur jyry jyrlaityn nemese jyrşy Zabur jyryn jyrlaidy nemese oqidy; jamağat jauap beredı. Eger belgılense, dauystap oquşy Ekınşı oquyn ambonnan oqidy. Dauystap oquşy aiaqtaluyn bıldıretın sözderdı aitady:

O. Täŋırdıŋ Sözı.

J. Qūdaiğa alğys aitamyz.

Sonan soŋ diakon ne qasietker ambonğa (mınberge) jaqyndaidy da aitady:

Q. Täŋır sendermen bırge bolsyn.

J. Ruhyŋmen de bırge bolsyn.

Q. N jazğan Kielı Injılden oquy.

J. Daŋq Sağan, ua, Täŋır.

Injıl oquy aiaqtalğan soŋ, diakon ne qasietker jarialaidy:

Q. Täŋırdıŋ Sözı.

J. Madaq Sağan, ua, Mäsıh.

Uağyz bastalady.

Uağyz aiaqtalğan soŋ, belgılengen kezde, Senım nyşany jyrlanady nemese aitylady;

Men bır Qūdaiğa, * Qūdırettı Äkege, * aspan men jerdıŋ, * közge körınetın jäne körınbeitınnıŋ Jaratuşysyna * senemın. * Jäne jalğyz Täŋır İsa Mäsıhke senemın, * Ol bar ğasyrlar būryn Äkeden tuylğan Qūdaidyŋ jalğyz Ūly: * Qūdaidan Qūdai, * Jaryqtan Jaryq, * şynaiy Qūdaidan şynaiy Qūdai, * Ol tuylğan, jaratylmağan, Ol Äkemen bırbolmysty, * barlyğy Ol arqyly jaratyldy. * Ol bız, adamdar üşın, jäne bızdıŋ qūtqaruymyz üşın aspannan tüstı.

Kelesı sözder aitqanda “Adam bolyp keldı” [“factus est”] sözderge deiın barlyq bas iedı.

Jäne Kielı Ruh pen Märiam Bikeşten ūryqtalyp, * Adam bolyp keldı, * Ol Ponti Pilat tūsynda bız üşın Aiqyşqa şegelendı, * azap şektı de kömıldı, * Jazbalar boiynşa, üşınşı künı ölımnen qaita tırıldı, * aspanğa köterıldı jäne Äkenıŋ oŋ jağynda otyr, * Ol tırıler men ölılerdı sottauğa daŋqta qaita kele jatyr, * jäne Onyŋ Patşalyğynyŋ şegı bolmaidy. * Jäne Kielı Ruhqa, * Täŋır men Ruhtandyruşyğa senemın, * Ol Äke men Ūlynan kelıp tūr, * Äke men Ūlmen bırge Oğan tabynu men madaq laiyq, * Ol paiğambarlar arqyly habarlady. * Jäne bırtūtas Kielı Katolik pen Elşılık Kılesesıne senemın. * Künälardyŋ keşırıluıne bır ret ğana ötetın şomyldyru räsımın tanimyn. * Ölgenderdıŋ tırıluın jäne bolaşaq ömırın kütudemın. * Aumin.

Iznık-Qostantinialyq Senım nyşanyŋ ornyna, äsırese Ūly Tağat jäne Päsıh kezeŋde, Rim Kılesesınıŋ şomyldyru nyşany, Elşılık (Apostoldyq) Senım nyşany, dep atalatyn paidalana alady.

Men Qūdaiğa, * Qūdırettı Äkege, * aspan men jerdıŋ Jaratuşysyna senemın, * jäne Onyŋ jalğyz Ūly * Täŋırımız İsa Mäsıhke senemın:

Kelesı sözder aitqanda “Märiam Bikeş arqyly tuylğan” sözderge deiın barlyq bas iedı.

Ol Kielı Ruhtan ūryqtalğan, * Märiam Bikeş arqyly tuylğan, * Ponti Pilat tūsynda azap şektı, * Ol Aiqyşqa şegelendı, * öldı jäne kömıldı; * tozaqqa tüstı; * üşınşı künı Ol ölımnen qaita tırıldı; * aspanğa köterıldı * jäne Qūdırettı Qūdai Äkenıŋ oŋ jağynda otyr: * ol jaqtan Ol tırıler men ölılerdı sottauğa keledı. * Men Kielı Ruhqa, * Kielı Katolik Kılesesıne, * äulielerdıŋ qatysuyna, * künälardyŋ keşırıluıne, * tännıŋ tırıluıne * jäne mäŋgılık ömırge de senemın. * Aumin.

Jalpy dūğasy ne senşulerdıŋ dūğasy oqytylady.

• EUHARİSTİA LİTURGİASY •

Jalpy dūğasynan keiın syilardy äkelu kezınde än aitu bastalady. Osy uaqytta ministranttar qūrbantaqtyŋ üstıne Euharistia üşın barlyğyn ornalastyrady.

Qasietker nanmen patenany alyp, kışkene köterıledı de kübırlep aitady:

Q. Ua, därıptelgen Täŋır, Sen bükıl älemnıŋ Qūdaiysyŋ, * öitkenı Sağan äkeletın nanymyz bız Senıŋ jomarttyğyŋnyŋ arqasynda qabyldadyq: * ol jer topyrağynyŋ jäne adam qolynyŋ jemısı bolğandyqtan, * bız üşın ömırdıŋ Nany bolsyn.

Eger syilardyŋ äkelu kezınde än aitylmasa, qasietkerge osy sözderdı qatty aituğa bolady; soŋynda jamağat dauystap aitady:

J. Qūdai mäŋgı-baqi därıptelgen.

Diakon ne qasietker tostağanğa şarap pen su azğana qūiady. Sodan keiın qasietker tostağandy alyp, ony qūrbantaqtyŋ üstınen kışkene köteredı de kübırlep aitady:

Q. Ua, därıptelgen Täŋır, Sen bükıl älemnıŋ Qūdaiysyŋ, * öitkenı Sağan äkeletın şarabymyz bız Senıŋ jomarttyğyŋnyŋ arqasynda qabyldadyq: * ol jüzım sabağynyŋ jäne adam qolynyŋ jemısı bolğandyqtan, * bız üşın ruhani ışımdık bolsyn.

Eger syilardyŋ äkelu kezınde än aitylmasa, qasietkerge osy sözderdı qatty aituğa bolady; soŋynda jamağat dauystap aitady:

J. Qūdai mäŋgı-baqi därıptelgen.

Syilardyŋ äkelu men qoldardyŋ däret aluynan keiın qasietker jamağatqa nazar audaryp, aitady:

Q. Bauyrlarym, * bızdıŋ qūrbanymyz qūdırettı Qūdai Äkege ūnamdy bolsyn dep dūğa eteiık.

J. Täŋır Öz daŋq pen madağy üşın * bızdıŋ jäne Öz Kielı Kılesesınıŋ igılıgı de üşın * osy qūrbandy senıŋ qoldaryŋnan qabyl alsyn.

Sodan soŋ qasietker syilardyŋ üstınen dūğa etedı, sodan keiın jamağat jauap beredı:

J. Aumin.

• II EUHARİSTİA DŪĞASY •

Qasietker Euharistia dūğasyn oquğa bastaidy:

Q. Täŋır sendermen bırge bolsyn.

J. Ruhyŋmen de bırge bolsyn.

Q. Jürekterımız biıkke kötereiık.

J. Olar Täŋırımızde bar.

Q. Täŋır Qūdaiymyzğa alğys aitaiyq.

J. Būl laiyqty jäne ädıldı.

Q. Ua, Kielı Äke, süiıktı Ūlyŋ İsa Mäsıh arqyly Sağan ärqaşan da, är jerde de alğys aituymyz şynynda laiqty jäne ädıldı, tiıstı jäne qūtqaraly. Ol – Sen joldağan Qūtqaruşy jäne Öteuşı, Kielı Ruh pen Päk Qyzynan tuylğan, barlyqty jaratqan Sözıŋ. Senıŋ erıgıŋdı oryndap jäne kielı halyqty Sen üşın jeŋıp alyp, Ol ölımdı küiretu jäne tırıluın körsetu üşın Aiqyş Ağaşyna qolyn sozdy. Sondyqtan bız Perışterler men bar Äulielermen bırge Senıŋ daŋqyŋdy äigılep, bırlesıp jyrlaimyz:

Kielı, Kielı, Kielı Täŋır Qūdai Sabaot. * Aspan men jer Senıŋ daŋqyŋa toly. * Hosana biıkte. * Täŋırdıŋ atyna kele jatqan därıptelgen. * Hosana biıkte.

Qasietker jaiylğan qoldarymen aitady:

Q. Ua, Täŋır, Sen şynymen kielısıŋ, är kielılıktıŋ Qainarysyŋ.

Qoldaryn qusyrady, jäne syilardyŋ üstınen jaiyp ūstap aitady:

Sondyqtan, ötınemız, osy şyq tüsetındei syilardy Ruhyŋmen jarylqai gör,

Qoldaryn qusyryp, nan men şarabyna aiqyş belgısın jasaidy da aitady:

Olar bız üşın Täŋırımız İsa Mäsıhtıŋ Tänı men Qany bolsyn.

Kelesı söilemşelerde Täŋırdıŋ sözderı anyq etıp tüsınıktı aitylady:

Q. Ol Öz erkımen Özıŋdı azapqa berıp, nandy aldy da jäne Sağan alğys aityp, üzıp aldy da Öz şäkırtterıne berıp, aitty:

BÄRIŊ ODAN QABYL ALYŊDAR JÄNE JEP KÖRIŊDER, * ÖİTKENI OL SENDER ÜŞIN BERILETIN * MENIŊ TÄNIM.

Jamağatqa şyrailandyrğan Hostiany körsetedı, ony patenağa salady da tıze bügıp, oğan tabynady.

Sosyn jalğastyrady:

Q. Osylaişa, keşkı astan keiın, tostağandy da alyp, Sağan qaita alğys aitty da Öz şäkırtterıne berıp, aitty:

BÄRIŊ ODAN QABYL ALYŊDAR JÄNE IŞIŊDER, * ÖİTKENI OL MENIŊ QANYMNYŊ, * JAŊA JÄNE MÄŊGI KELISIMDERINIŊ TOSTAĞANY * – OL SENDER JÄNE BARLYQTARYŊ ÜŞIN, * KÜNÄLARDY KEŞIRU ÜŞIN TÖGILEDI. * OSYNY MENI ESTERIŊE ALU ÜŞIN JASAŊDAR.

Jamağatqa Tostağandy körsetedı, ony korporalğa qoidyrady da tıze bügıp, oğan tabynady.

Sosyn aitady:

Q. Senım qūpiasy.

J. Ua, Täŋır, Senıŋ ölımıŋdı äigıleimız, jäne tırıluıŋdı kelgenıŋe deiın jarialaimyz.

Nemese:

J. Ua, Täŋır, bız ärdaiym osy Nandy jep körgende jäne osy Tostağannan ışkende, ölımıŋdı kelgenıŋe deiın äigıleimız.

Nemese:

J. Ua, Aiqyş Ağaş pen tırıluımen bızdı azat etken Älem Qūtqaruşysy, bızdı qūtqara gör.

Nemese:

J. Mäsıh öldı, Mäsıh qaita tırıldı, Mäsıh qaita keledı.

Sodan soŋ qasietker jaiylğan qoldarymen aitady:

Q. Sol üşın, Onyŋ ölım jäne tırıluın eske alyp, ua, Täŋır, Sağan Ömır Nany men qūtqaru Tostağanyn äkelıp, alğys aitamyz, öitkenı Sen bızdı Senıŋ aldyŋda tūru jäne Sağan qyzmet etuge laiyqtadyŋ. Kielı Ruh Mäsıhtıŋ Tän men Qanyna qatysqandardy bırge jinalsyn dep boisūnyp jalbarynamyz.

Ua, Täŋır, bükıl älemde jaiylğan Öz Kıleseŋdı este saqtai gör de ony bızdıŋ Papamyz N. jäne biskıbımız N. jäne barlyq dın basylarmen bırge kemelıne keltır.

Tırıluıne ümıttenıp ölgen bızdıŋ bauyrlarymyzdy jäne barlyq Senıŋ raqymdylyğyŋda qaitys bolğandardy eske alyp, kelbetıŋnıŋ säulesıne qabyl ala gör. Ötınemız: Bataly Qūdaituuşy Märiam Bikeşpen, Onyŋ äigılengen bataly Jüsıppen, bataly Elşılermen, jäne barlyq mäŋgıden berı Sağan jağyp qalğan äulielermen bırge, mäŋgı ömırıne qatysuyna jäne Senı madaqtau da därıpteuge bärımızge raqym ete gör.

Qasietker Hostiamen patena men tostağandy alyp, köteredı de aitady:

Q. Ol arqyly da, * Onymen bırge de * jäne Onyŋ boiynda da, * Sağan, Qūdırettı Äkege, * Kielı Ruhtyŋ bırlıgınde * mäŋgı-baqi barlyq ızet pen madaq bolsyn.

J. Aumin.

Keiın Qatynasu jorasy bastalady.

• QATYNASU JORASY •

Patena men tostağandy qoiyp, aitady:

Q. Qūtqaratyn ösietterdıŋ arqasynda ruhtanğan * jäne qūdaişyl uağyzdarğa oqytylğan, * erlenıp aitamyz:

jäne jamağatpen bırge jalğastyrady:

Aspandağy Äkemız, * Senıŋ atyŋ qasiettelsın, * Patşalyğyŋ kelsın, * Senıŋ erkıŋ aspandağydai  * jer betınde de oryndalsyn. * Qajettı nanymyzdy bügınge bere gör; * bızge qaryz bolğandardy keşırgenımızdei, * bızdıŋ qaryzymyzdy da keşıre gör; * azğyryluymyzğa jol bermei, * bızdı jamandyqtan saqtai gör.

Qasietker özı jalğystyryp aitady:

Q. Ua, Täŋır, Qūtqaruşy İsa Mäsıhtıŋ keluın şattyqqa toly kütuımız üşın bızdı türlı jamandyqtan saqtai gör, qazırde mol beibıttık bere gör; Senıŋ raqymdylyğyŋ arqyly nyğaitylğan bolyp, bız ärqaşan künädan bos jäne türlı abyrjudan qorğalğan bolaiyq.

J. Öitkenı Patşalyq ta, küşıŋ de jäne daŋqyŋ da mäŋgı-baqi Senıkı.

Sodan soŋ qasietker aitady:

Q. Ua, Täŋır İsa Mäsıh, * Sen elşılerıŋe aittyŋ: * “Beibıttık senderge qaldyramyn, Menıŋ beibıttıgım senderge beremın”. Bızdıŋ künälarymyzdy eskermei, alaida Kıleseŋnıŋ senemıne qarai, jäne Senıŋ erıgıŋ boiynşa Oğan tatūlyq pen bırlıgın bere gör. Sen mäŋgı-baqi bolyp tūrasyŋ da patşalyq etesıŋ.

J. Aumin.

Qasietker jalğastyrady:

Q. Täŋırdıŋ beibıttıgı ärqaşan sendermen bırge bolsyn.

J. Ruhyŋmen de bırge bolsyn.

Sodan soŋ diakon ne qasietker qosady:

Q. Bır-bırıne beibıttık belgısın berıŋder.

Jergılıktı ädet-ğūryptar boiynşa barlyq adamdar beibıtşılık, qatynasu jäne meiırım belgısın bıldıredı; qasietker beibıtşılık belgısın diakonğa ne qyzmetşıge bıldıredı. Sodan soŋ qasietker Hostiany alyp, patenanyŋ üstınde ony syndyrady da bölşektı tostağanğa tüsırıp, aqyryn aitady:

Älemnıŋ künälaryn alatyn, * Qūdai Qozysy * — bızge raqym ete gör.

Älemnıŋ künälaryn alatyn, * Qūdai Qozysy * — bızge raqym ete gör.

Älemnıŋ künälaryn alatyn, * Qūdai Qozysy * — bızge beibıttık bere gör.

Qasietker Hostiany alady, ony patena ne tostağannyŋ üstınen kışkene köterıp, jamağatqa nazar audaryp, qatty aitady:

Q. Mıne, * älemnıŋ künälaryn alatyn Qūdai Qozysy. * Qozynyŋ toiyna şaqyrylğandar jarylqanğan.

J. Ua, Täŋır, * baspanama Senıŋ kıruıŋe laiyqty emespın, * tek bır söz aitsaŋ, * menıŋ janym jazylady.

Qasietker Mäsıhtıŋ Tän men Qanyna qatynasady. Sodan soŋ ol özı ne diakon jamağatqa Qatynasu ülestıredı. Qasietker är qatynasatyn adamğa jaqyndap aitady:

Q. Mäsıhtıŋ Tänı.

Qatynasatyn adam jauap beredı:

Aumin.

Qatynasu ülestıruın aiaqtap, qasietker, diakon ne akolit, tostağannyŋ üstınen patena men tostağandy özı de tazalaidy. Qasiettı tynyştyq pen Qatynasu än aituy aiaqtalğan soŋ ol jamağatty dūğa etuge şaqyrady:

Q. Dūğa eteiık.

Jäne barlyq adamdar, eger aldynda bolsa, qasietkermen bırge tynyştyqta dūğa etedı. Qatynasudan keiın qasietker jaiylğan qoldarymen dūğa etedı, al jamağat jauap beredı:

J. Aumin.

• QORYTYNDY JORA •

Qasietker, jamağatqa nazar audaryp, qol jaiady da aitady:

Q. Täŋır sendermen bırge bolsyn.

J. Ruhyŋmen de bırge bolsyn.

Q. Qūdırettı Qūdai Äke, Ūl jäne Kielı Ruh senderdı jarylqasyn.

J. Aumin.

Keibır künderı ne belgılı jağdaida osy bata beru tärtıbınıŋ aldyŋda, aidarğa säikes, basqa saltanatty bata beru tärtıbı nemese jamağat üşın Dūğa bolyp ötedı. Pontifikal Messada basqaruşy mitrany kiıp jäne qoldaryn jaiyp, aitady:

B. Täŋır sendermen bırge bolsyn.

J. Ruhyŋmen de bırge bolsyn.

B. Täŋırdıŋ aty maqtauly bolsyn.

J. Bügınnen de mäŋgıge.

B. Medetımız Täŋırdıŋ atynda.

J. Ol aspan men jerdı jaratty.

B. Qūdırettı Qūdai Äke, Ūl jäne Kielı Ruh senderdı jarylqasyn.

J. Aumin.

Sodan keiın diakon nemese qasietker özı qusyrylğan qoldarymen jamağatqa nazar audaryp, aitady:

Q. Baryŋdar, Messa oryndaldy.

J. Qūdaiğa alğys aitamyz.