Католик діні порталы
Qazaqstannyñ katolik Beskıpterı men Ordinariustarynyñ Mäsıhtıñ Mäulıtı meiramymen qūttyqtauy
Qazaqstannyñ katolik Beskıpterı men Ordinariustarynyñ Mäsıhtıñ Mäulıtı meiramymen qūttyqtauy

Qazaqstannyñ katolik Beskıpterı men Ordinariustarynyñ Mäsıhtıñ Mäulıtı meiramymen qūttyqtauy

Qazaqstannyñ katolik Beskıpterı men Ordinariustarynyñ Mäsıhtıñ Mäulıtı meiramymen qūttyqtauy

Mäsıhte bırıktırılgen qūrmettı Bauyrlastarymyz!

“Bız Onyñ jūldyzynyñ şyğys jaqtan tuyp, jarqyrağanyn kördık. Jaña tuğan Patşağa ızet bıldıru üşın kelıp tūrmyz” (Mat 2:2).

Bızdıñ zamanymyzdyñ bırınşı ğasyrynda Betlehemge kelgen Ğūlamalardyñ aitqan osy asyl sözderı bügın bızdı qaitadan ümıttenuge şaqyrady. Būl zamanda erler men äielder üşın Qūtylys jūldyzy qaitadan jarqyrap tūr.

Būl Ğūlamalar Qūdai Tağalanyñ jaqyndyğyn sezıptı. Olar Qūdaidy jeke bılmei, Onyñ qatysuyn tabiğat belgılerınde, bauyrlastarynyñ jürekterınıñ añsauy men sağynyşynda sezıptı. Olar öz oilarynda Qūdai dausyn estıdı. Aspandağy barlyq jūldyzdardyñ ışınen olar şynaiy tabynuğa laiyq jalğyz Jūldyzdy tani aldy. Būl Jūldyz barlyq qazynamyzdan qymbat, bız eñ joğary bağalaityn närselerdıñ bärınen asyl. Bızdıñ qasıretımızdı tüsınetın jäne bızdı odan qūtqaratyn jalğyz – osyndai Jūldyz.

Būl Ğūlamalar osy jañalyq aşudan özderınıñ barlyq adamdi azaptaryn öteu üşın syilyğyn kördı. Olar örleu beretın ümıttı ızdeude jauapty tapty. Olar özderıne jäne öz tuğan halqyna güldenu men beibıtşılıkke jol tapty.

Erte zamanda (äsırese ömır özgerısterı jäne saiahattau kezınde) babalarymyz jolda qatelık jıbermeu üşın jūldyzdarğa jügınetın. Bızdıñ zamanymyz – sansyz köşıp-qonuşylardyñ qydyrğan kezı, jaña örkenietke, däuırge men mädenietke köşu zamany. Bız mümkındıkter “aspanyna” qarağan kezde, Täñırımızdıñ kömegınsız eşteñe jasai almaimyz. Mäsıhtıñ Mäulıtı uaqytynda jäne kele jatqan Jaña Jylğa osy Jūldyzdy köptegen jalğan jūldyzdar men optikalyq illiuzialardan tanuğa kömektesuın danalyq pen aqyl-keñes beretın Kielı Ruhtan sūraiyq. Fake jañalyqtar siaqty būl illiuzialar bızdı jetelemeidı, kerısınşe, bızdıñ halyqtarymyz ben otbasylarymyzdy, jeke jäne äleumettık nietterımızdı būzady.

Bız Qazaqstan Täuelsızdıgınıñ 30-jyldyğyn ülken quanyşpen atap öttık. Būl Jūldyzğa deiın erkındıkte bırge jürıp ötken baqytty 30 jyl. Bükılälemdık Kılesemen bırıgıp, bız jamağattarymyzda synodtyq joldy bastadyq. Bızdıñ fizikalyq jäne ruhani küşımızdı qoldanudy üirenıp, Jūldyzdy tanyp, Täñırge şynaiy tabynuğa keludıñ joly – osy.

Qūrmettı Bauyrlastarymyz, jürekterımızde “tañ atyp, şolpan jūldyzynyñ paida bolatynyndai” (Pet2 1:19), osy Jūldyzğa bar küş-jıgerımızben, ruhani jäne zattyq ısterımızde ūmtyla bereiık! Osy Jūldyzdy ızdep, onyñ aldynda tağzym etken adam aqyrynda oğan ainalady. Sondyqtan Papa Fransis: “Eger meiırımdılık, şydamdylyq, quanyş pen jomarttyq jolyn ömırıñmen nūrlandyrsañ, Mäsıhtıñ Mäulıtı – būl sen özıñ”, – dep aitady.

Betlehemde düniege kelgen Qūdai-Säbi – Qūtqarylu Jūldyzy – barşa qazaqstandyqtardyñ jüregın Özınıñ süiıspenşılıgımen nūrlandyra bersın, osylaişa bız bırge üiımızde jäne qoğamymyzda beibıtşılık pen kelısımnıñ qajettı joldaryn jasai alaiyq. Osy künderı Qūdai Tağalanyñ raqymy otbasylarymyzdy Özınıñ Tynyştyğyna toltyrsyn. Barşañyzğa Täñırımız ärı Qūtqaruşymyz İsa Mäsıhtıñ Mäulıtı qūtty bolsyn! Al Rabbymyzdyñ jaña 2022 jyly elımızge Qūdai bergen qūt-bereke, mol raqym men syi-siapatyn syilasyn!

Qūdai Sızderdı jarylqasyn!

Qazaqstannyñ katolik Beskıpterı jäne Ordinariustary.

Nūr-Sūltan, 2021