«Әрдайым үміттеніп қуаныңдар, қиыншылыққа шыдап, Құдайға ұдайы сиыныңдар»
(Римдіктерге арналған хат 12:12)

РАУШАНТӘЖ ДҰҒАСЫ

Әке және Ұл және Киелі Рухтың атына. Аумин.

Уа, Тәңіріміз Иса Мәсіх! Мен осы қасиетті раушантәжді Сенің атыңды мадақтауына және Аса Пәк Анаңның құрметіне, сондай-ақ жандардың құтқарылуына үшін Саған бағыштаймын.

«Сенемін» (Елшілік сенім нышаны) дұғасы оқытылады:

Мен Құдайға, * Құдіретті Әкеге, * аспан мен жердің Жаратушысына сенемін, * және Оның жалғыз Ұлы * Тәңіріміз Иса Мәсіхке сенемін: * Ол Киелі Рухтан ұрықталған, * Мәриям Бикеш арқылы туылған, * Понти Пилат тұсында азап шекті, * Ол Айқышқа шегеленді, * өлді және көмілді; * тозаққа түсті; * үшінші күні Ол өлімнен қайта тірілді; * аспанға көтерілді * және Құдіретті Құдай Әкенің оң жағында отыр: * ол жақтан Ол тірілер мен өлілерді соттауға келеді. * Мен Киелі Рухқа, * Киелі Католик Кілесесіне, * әулиелердің қатысуына, * күнәлардың кешірілуіне, * тәннің тірілуіне * және мәңгілік өмірге де сенемін. * Аумин.

Ірі моншақта «Тәңірдің дұғасы» оқытылады:

Аспандағы Әкеміз!
Сенің атың қасиеттелсін;
Патшалығың келсін;
Сенің еркің аспандағыдай жер бетінде де орындалсын;
Қажетті нанымызды бүгінге бере гөр;
Бізге қарыз болғандарды кешіргеніміздей,
Біздің қарызымызды да кешіре гөр;
Азғырылуымызға жол бермей,
Бізді жамандықтан сақтай гөр. Аумин.

Ұсақ моншақтарда «Періштенің сәлемдесуы» оқытылады:

Сәлемет бол, Мәриям, құт-берекеге толы!
Тәңір Сенімен бірге;
Әйелдердің арасында баталысың,
Және құрсағыңның жемісі Иса да баталы.
Әулие Мәриям, Құдай Анасы,
Біз, күнәһарлар үшін,
қазір және өлім сағатымызда дұға ете гөр. Аумин.

Әр ірі моншақта — «Тәңірдің дұғасы» (1 рет),
әр ұсақ моншақта — «Періштенің сәлемдесуы» (10 рет)
Әр «Періштенің сәлемдесуы» дұғасынан кейін:
Әке және Ұл және Киелі Рух басында болғандай, қазір де, әркашан да және мәңгі де дәріптелсін. Аумин.

  • Уа, тұңғыш күнәсіз ұрықталған Мәриям, Саған сүйенетіндер, біз үшін, дұға ете гөр.
  • Уа, Исам, күнәларымызды кешіре гөр, тозақ отынан сақтай гөр және барлық жандарды мәңгілік қуанышқа бөлей гөр әрі ең қажетсінетіндерге рақымдылық қыла гөр.

Соңында осындай дұға айтылады:
Сенің қорғауыңды сұраймыз, уа, Аса Әулие Құдай Анасы, жалынышымызды елемей гөр әрі барлық қауіп-қатерімізден бізді әрқашан сақтай гөр, уа, даңқты және баталы Бикеш.

ҚҰДАЙДЫҢ ҚАЙЫРЫМДЫЛЫҒЫНА ТӘЖ ДҰҒАСЫ

Әке және Ұл және Киелі Рухтың атына. Аумин.

Аспандағы Әкеміз!
Сенің атың қасиеттелсін;
Патшалығың келсін;
Сенің еркің аспандағыдай жер бетінде де орындалсын;
Қажетті нанымызды бүгінге бере гөр;
Бізге қарыз болғандарды кешіргеніміздей,
Біздің қарызымызды да кешіре гөр;
Азғырылуымызға жол бермей,
Бізді жамандықтан сақтай гөр. Аумин.

Сәлемет бол, Мәриям, құт-берекеге толы!
Тәңір Сенімен бірге;
Әйелдердің арасында баталысың,
Және құрсағыңның жемісі Иса да баталы.
Әулие Мәриям, Құдай Анасы,
Біз, күнәһарлар үшін,
қазір және өлім сағатымызда дұға ете гөр. Аумин.

Мен Құдайға, * Құдіретті Әкеге, * аспан мен жердің Жаратушысына сенемін, * және Оның жалғыз Ұлы * Тәңіріміз Иса Мәсіхке сенемін: * Ол Киелі Рухтан ұрықталған, * Мәриям Бикеш арқылы туылған, * Понти Пилат тұсында азап шекті, * Ол Айқышқа шегеленді, * өлді және көмілді; * тозаққа түсті; * үшінші күні Ол өлімнен қайта тірілді; * аспанға көтерілді * және Құдіретті Құдай Әкенің оң жағында отыр: * ол жақтан Ол тірілер мен өлілерді соттауға келеді. * Мен Киелі Рухқа, * Киелі Католик Кілесесіне, * әулиелердің қатысуына, * күнәлардың кешірілуіне, * тәннің тірілуіне * және мәңгілік өмірге де сенемін. * Аумин.

Әр ірі моншақта 1 рет:
Уа, Мәңгі Әке, сүйікті Ұлыңның, біздің Тәңіріміз Иса Мәсіхтің Тәні мен Қанын, Жаны мен Құдайлығын, біздің және бүкіл әлемнің күнәларын кешіруің үшін Саған әкелемін.

Әр ұсақ моншақта (10 рет):
Оның ауыр азабы үшін бізге және бүкіл әлемге рақым ете гөр.

Соңында (3 рет):
Киелі Құдай, Киелі Қуатты, Киелі Өлмес, бізге және бүкіл әлемге рақым ете гөр.
ИСА, ҮМІТТЕНЕМІН САҒАН! (3 рет)